🎒📚Një fillim i ri, një çantë plot ëndrra!
Sot, me nisjen e vitit të ri shkollor, duam që çdo fëmijë të hyjë në klasë me buzëqeshje, entuziazëm dhe gjithçka që i nevojitet për ta nisur këtë kapitull të ri.
Falë @eliabmarket dhe një donatori të veçantë që ka zgjedhur të mbetet anonim, këtë vit kemi pasur mundësinë t’u sigurojmë fëmijëve në strehim të gjitha materialet shkollore që u nevojiten për një fillim sa më të mbarë. ❤️
Faleminderit që na ndihmoni t’ua bëjmë rrugëtimin pak më të lehtë dhe t’u kujtojmë se pas tyre ka njerëz që besojnë në ta.
✨Suksese në vitin e ri shkollor!
Sot, në një intervistë për Radio Peja, folëm për rëndësinë e strehimit familjar në Kosovë dhe për rolin e familjeve strehuese në krijimin e një mjedisi të sigurt, të qëndrueshëm dhe plot dashuri për fëmijët pa kujdes prindëror. 🤍
📍 Në veçanti, u diskutua mungesa e familjeve strehuese në Komunën e Pejës dhe nevoja për më shumë familje që janë të gatshme të hapin dyert e tyre për një fëmijë.
Gjithashtu, u prezantua mbështetja financiare dhe institucionale që u ofrohet familjeve strehuese dhe fëmijëve, si pjesë e përkushtimit për të siguruar mirëqenien dhe zhvillimin e tyre.
Të bëhesh familje strehuese do të thotë t’i japësh një fëmije mundësinë të rritet në një familje, me siguri, kujdes dhe dashuri. 🏡❤️
#OFAP #StrehimiFamiljar #FamiljetStrehuese #Pejë
🌿 Një ditë plot buzëqeshje, lojëra dhe momente të bukura me familjen tonë nga Ferizaj! 💛
Përmes këtij aktiviteti rekreativ kaluam kohë cilësore së bashku, u argëtuam dhe krijuam kujtime të reja si familje. 🫶🏻
Faleminderit familjes për pjesëmarrjen dhe energjinë e bukur që sollën në këtë ditë! ✨
Faleminderit nga zemra @kultura.house që na mirëpriti në hapësirën e tyre gjatë këtij edicioni. 💛💙
Ishte kënaqësi të ishim pjesë e këtij organizimi dhe jemi thellësisht mirënjohës për donacionin që vendosën ta dedikojnë për organizatën tonë. Ky kontribut do të na ndihmojë të vazhdojmë misionin tonë në mbështetje të fëmijëve pa përkujdesje prindërore.
Faleminderit për besimin, mikpritjen dhe mbështetjen. 🤝✨
Me disa fëmijë jemi rritur bashkë, dhe vjen koha të përshëndetemi ngrohtësisht.
Ata shënojn një jetë të re, e ne gëzimin për suksesin e arritur, pas një rrugëtimi të gjatë dhe një bashkëpunimi të ngushtë mes OFAP, Departamentit për Politika Sociale dhe të Familjes, dhe Qendrës për Punë Sociale.
Ndonjëherë, fundi i rrugëtimit tonë me një fëmijë është fillimi i jetës që ka ëndërruar gjithmonë.
Mirupafshim!❤️
Vazhdojmë punën e drejtpërdrejtë në nivel lokal për zbatimin e Planit të Veprimit për Strehimin Familjar në Komunën e Pejës.
Ne zhvilluam një takim me Drejtoreshën e Drejtorisë për Shëndetësi dhe Mirëqenie Sociale (DSHMS), me fokus në koordinimin e aktiviteteve për realizimin e Planit të Veprimit dhe promovimin e strehimit familjar në komunë.
Gjatë takimit u diskutuan hapat e mëtejmë të bashkëpunimit ndërinstitucional dhe aktivitetet që do të kontribuojnë në fuqizimin e sistemit të strehimit familjar, me synim që çdo fëmijë pa kujdes prindëror të ketë mundësinë të rritet në një mjedis të sigurt, të qëndrueshëm dhe plot përkujdesje.
Falënderojmë Drejtoreshën e DSHMS për bashkëpunimin dhe angazhimin e vazhdueshëm në mbështetje të kësaj kauze të rëndësishme. Së bashku vazhdojmë të ndërtojmë më shumë mundësi për fëmijët që kanë nevojë për një familje. 💙
#OFAP #StrehimiFamiljar
🎨✨ Kreativiteti, buzëqeshjet dhe imagjinata mbushën ditën tonë.
Së bashku me fëmijët zhvilluam aktivitete kreative, ku përmes vizatimit, ngjyrosjes dhe punës së përbashkët krijuam momente plot gëzim, bashkëpunim dhe shprehje të lirë.
Këto aktivitete nuk janë vetëm një mënyrë për t’u argëtuar – ato ndihmojnë fëmijët të zhvillojnë kreativitetin, vetëbesimin dhe aftësitë e tyre sociale në një mjedis të sigurt dhe mbështetës.
Faleminderit të gjithë fëmijëve për energjinë, buzëqeshjet dhe krijimet e tyre të mrekullueshme! 💙
#OFAP
💚 Së bashku, çdo hap po bën ndryshim.
Fushata jonë në bashkëpunim me Ec Fito po vazhdon me sukses falë angazhimit dhe mbështetjes suaj. Çdo hap i regjistruar në aplikacion është një kontribut i vlefshëm për fëmijët pa kujdes prindëror dhe një dëshmi se edhe veprimet më të vogla mund të sjellin ndryshime të mëdha.
Ju falënderojmë për besimin, solidaritetin dhe përkushtimin tuaj ndaj kauzës sonë. 🤍
Vazhdojmë së bashku – sepse çdo hap ka vlerë. 💚
#OFAP #EcFito #CdoHapKaVlere #FemijetPaKujdesPrinderor #BashkePerNdryshim
